Германскиот јазик најмногу се зборува во Германија (каде што е прв јазик на повеќе од 95% од населението), Австрија (89%) и Швајцарија (65%). Исто така, германскиот го зборуваат и мнозинство од населението во Луксембург и Лихтенштајн. Други европски заедници кои го зборуваат германскиот јазик се наоѓаат во Северна Италија (во покраината Болцано и во некои општини во други покраини), во источните кантони во Белгија, во француските региони Елзас и Лорена, како и во некои гранични села од поранешниот Јужен Јиланд во Данска. Заедници кои зборуваат германски исто така се наоѓаат во делови од Чешка, Словачка, Унгарија, Полска, Романија, Србија, Русија и Казахстан. Јазиците најслични на германскиот јазик се другите членови на гранката на западногермански јазици, вклучително и африкански, холандски, англиски, фризиски јазик, долногермански / долно саксонски и јидски. Исто така, постојат сличности во вокабуларот со данскиот, норвешкиот и шведскиот јазик, иако тие припаѓаат на групата северногермански јазици. Германскиот јазик е втор најмногу зборуван јазик во светот, по англискиот.

Ова е еден од најраспространетите јазици во светот. Германскиот е мајчин јазик на скоро 100 милиони луѓе ширум светот и најговорен мајчин јазик во Европската унија. Германскиот е трет најчесто зборуван странски јазик во ЕУ по англискиот и францускиот јазик, што го прави втор најзастапен јазик во ЕУ во однос на вкупниот број на говорители. Германскиот јазик исто така е втор најизучуван странски јазик во основните училишта во ЕУ, по англискиот јазик (но трет по англискиот и францускиот јазик на пониско средно ниво), четврт најзастапен изучуван не-англиски јазик во САД (по шпанскиот, францускио и американскиот знаковен јазик), и втор најчесто употребуван научен јазик, како и трет најупотребуван јазик на веб-страниците по англискиот и рускиот јазик. Земјите што зборуваат германски јазик се рангирани на петтото место во однос на годишното објавување на нови книги, со една десетина од сите книги (вклучително и е-книги) во светот. Во Велика Британија, германскиот и францускиот јазик се најбараните странски јазици за сите деловни активности.

Германскиот, по шпанскиот, е трет најизучуван странски јазик во земјите во кои се зборува англиски јазик. Германскиот е главен јазик во Европа, со околу 90-95 милиони говорители, или 13,3% од сите Европејци, вториот најзборуван мајчин јазик во Европа, по рускиот, пред францускиот (65 милиони говорители) и англискиот (64,2 милиони говорители). Според тоа, германскиот јазик е прв најзборуван јазик во Европската Унија, но втор странски јазик кој најмногу го знаат граѓаните од Европската Унија. Тој е еден од службените јазици во Европската Унија и еден од трите јазици со кои се служи Европската комисија, покрај англискиот и францускиот. Триесет и два проценти од граѓаните од петнаесет земји од Европската Унија, велат дека можат да разговараат на германски (без разлика дали како мајчин, втор или странски јазик). Германскиот јазик бил и останува лингва франка во средна, источна и јужна Европа.